賓福特幕後戰意爆燈

猪拉多纳

英格蘭各級別聯賽陸續重開，肥叔近日去咗倫敦同班行家交流，越洋作客都不忘為大家提供好嘢，今次喺英倫同當地甲組球會賓福特主理人見過面，佢哋自視極高，本季打正旗號以爭上英冠為目標，首輪聯賽主場對錫菲聯殺聲震天，小讓平半要上盤！

（周六晚10時開賽）

賓福特上季全力挑戰英冠席位，可惜鬥到最後直路飲恨，未能完成升班大業，球會今季目標仍然好鮮明，都係一條心爭升班。賓福特班智囊計好晒數，今季淨係得錫菲聯可以威脅到佢哋，今周兩大實力分子硬撼，賓福特幕後人高度重視呢場大戰，真係好大陣仗。肥叔原定會去意大利，都畀佢哋個掌陀人力留睇埋場波先走，幕後人決心大，班波又有份量，主場出擊可秤先。

屈福特主場起筷
同日德甲賽事哈化柏林主場對法蘭克福，升班球隊哈化係德國名氣球隊，重返德甲矢志挽回面子，呢類升班球隊一向勢頭勁，季初係搵食最佳時機。對手法蘭克福上季尾明顯下滑，兩隊一起一落，都係睇高哈化多少，讓平半博上盤。同日英冠球隊屈福特主場對般尼茅夫，屈軍領隊好、球員好，唔少行家都睇好球隊前景，主場係出擊時候，讓到半一都唔怕，捧上盤！