Ｐ祖回歸邦華斯高搶Ｗ

猪拉多纳

除咗歐霸盃之外，聽朝仲有南美波玩，當中巴甲傳統勁旅華斯高主場迎戰邦迪比達。華斯高剛有前里昂罰球王祖連奴比南布肯奴（P祖）回巢，士氣大振，可恰死近況低迷嘅邦迪比達，阿King認為主勝捧得過。（周五早上8時開賽）
邦迪比達態沉雪上加霜

唔好睇P祖已經三十有八，其實佢Keep得幾好，自從由美職嘅紐約紅牛回歸後，持續大勇，上月作客硬撼上季盟主富明尼斯先開紀錄之餘，並交出兩個助攻為球隊奠勝，跟住對基斯奧馬又打破僵局，上仗力戰僅負一哥保地花高雖敗不辱，當中P祖亦交出助攻，證明呢位前里昂罰球王寶刀未老，成為燃點前場攻力嘅導火線，絕對唔講得笑。

相反對手邦迪比達今仗有守將費朗停賽，冇咗呢位主力中堅喺防線壓陣，可謂雪上加霜，連埋盃賽在內，佢哋近六仗只曾一勝，正值低潮，華斯高上仗對保地花高輸得唔抵，誓要搵邦迪比達出氣，主勝有計。

至於阿甲方面，拉魯斯喺開鑼日輕取貝格拉諾三蛋，新兵辛迪亞高馬田施華表現對辦，作客拉爾費拿可乘勝追擊，小讓平半值博。（周五凌晨4時開賽）最後南美球會盃首圈次回合，玻利維亞奧利恩特主場對巴拉圭嘅瓜蘭尼，首回合奧利恩特作客頂得住守和0比0，挾住上季高原主場十一戰十勝嘅佳績，平手盤梗係要奧軍喇。（周五凌晨4時45分開賽）