漢諾威咪走「堡」

猪拉多纳

今晚大把波玩，仲愈夜愈精彩添，當中（五）21嘅弗賴堡對漢諾威係焦點所在，呢場波仲有埋直播添，雖然話弗賴堡牌面係高啲，但作客嘅漢諾威要為來屆歐洲賽入場券努力，戰意夠晒旺盛，受讓半一梗係要下盤啦！
跟莊家撐李斯特城

睇番積分榜，漢諾威只係落後第6位嘅法蘭克福4分，要爭踢來屆歐霸盃仲有價講。據《圖片報》所講，漢諾威體育總監舒麥迪基要參加恩師兼前杜塞爾多夫副會長法斯賓達嘅生日會，所以今仗唔會隨隊，但佢老人家就落咗「柯打」，要班手足全取3分，加上中堅佐羅嘅偏頭痛已經好番可以披甲，以球隊近兩場聯賽都保持不失嘅表現嚟睇，照計同弗賴堡有得鍊。

遲德甲獨腳戲15分鐘開波嘅英冠（五）23，主隊李斯特城已經連續8場聯賽失分，但個主W依然熱到得1.53倍，睇嚟莊家好有心水呢隻「狐狸」可以咬死伯明翰，捧主勝。