|
|
冇「巴哥」，一樣掂！今晚世盃外圍賽非洲區C組賽事，有「非洲一哥」科特迪瓦主場鬥岡比亞，雖然杜奧巴未能進入大軍名單，不過「大象國」仍有其他「黃金一代」成員撐住，夠力大炒世界排名144嘅岡比亞，「-2」都照捧2.05倍「讓主」！（開賽時間：周日凌晨1:00）
耶耶托尼抓續約爭表現
啱啱喺今個月度過35歲生日嘅杜奧巴，目前仍然以60個入球保持科特迪瓦國家隊入球紀錄，可以話係「大象國」足球盛世嘅代表，之不過「巴哥」始終年事已高，早前非國盃決賽周已經係「掹車邊」入選，嚟到今輪世盃外圍賽，更被領隊林武治以「狀態不足」為由拒諸門外，小妹聽見都覺得不勝唏噓！
好彩嘅係「大象軍團」依然有大把頂級球員，先後効力巴塞同曼城都有好表現嘅耶耶托尼，家陣正式取代杜奧巴成為國家隊新核心，何況佢近期向「藍月亮」扭計要求續約，如果喺國際賽期有好表現就更易說服老細，有呢位「發電機」領導中場線，加埋謝雲奴拍住韋菲特邦尼、沙洛文卡奴等前線好兄弟攻堅，佢哋絕對有力延續由2012年起至今得1場敗仗嘅佳績，實力差幾條街嘅客軍輸少粒都難喇！
賽制：40隊分10組進行小組雙循環賽，10隊首名會分成5個對碰踢主客兩回合附加賽，勝方會出線決賽周。
世盃外非洲區C組 |
|
金睛卡
发表于 2013-3-23 08:39
变色卡
显身卡