衝擊意氣風發劏紅牛

猪拉多纳

紅牛甩皮甩骨，被剝了亨利同卡希爾兩隻角，仲點惡得出樣？今輪美職名牌球隊紐約紅牛，去到加拿大作客蒙特利爾衝擊，亨利、卡希爾兩大主力齊齊缺陣，祖連奴比南布肯奴又未適應環境，唔夠主隊班意大利精兵玩，捧主W！

（周日凌晨4時30分開賽）
亨利缺陣P祖有傷

因為原本主場正在擴建，故今場大戰繼續於蒙特利爾奧運球場上演，上場衝擊就喺呢個場輕取FC多倫多。蒙特利爾衝擊名副其實為本季美職帶來巨大衝擊，幾名意大利兵尼斯達、費拉利、迪華奧同哥拉迪，雖然年紀唔輕，但於美職依然夠殺有餘，於同聲同氣下，一開咧就大開滿堂紅，迪華奧上仗仲成功開齋。

講開紅牛，大家即刻諗起亨利，可惜呢名殿堂級射手因傷缺陣，卡希爾亦要返澳洲國家隊報到。巴西罰球王祖連奴比南布肯奴，因早前唔適應球隊人造草地而受傷，雖然今戰可以落場，但狀態好極有限，今仗捧主W！