馬體會作客唔掂撐華拉度列

猪拉多纳

歐霸盃向來都係雞肋，強隊即使以一線陣容出擊，亦一樣可以揸流攤，還記得去屆以強陣出擊嘅曼聯，畀畢爾包打到一仆一碌，唔少「紅魔」反對派都好心涼，但筆者至今仍堅持曼聯根本就無心裝載。喺日前上演嘅歐霸盃32強首回合，就有更多自殺式舉動，當中包括拿玻里主場慘敗，但最明目張膽嘅，就不得不提馬體會門將沙治奧阿辛祖棄關助攻嘅驚人決定。
華拉度列主場硬淨

話說馬體會剛戰以強陣迎戰魯賓卡山，居然卻先失一球，還以為首回合會以0:1收場之際，門將沙治奧阿辛祖竟於補時階段上前迎頂角球，結果愈幫愈忙，畀對手反擊得手射入空門。事實上該戰並唔係一場過比賽，仲有次回合可以追，最終阿辛祖離奇嘅舉動，累馬體會輸多個作客入球，想出局嘅決心大到你唔信，不過最好笑都係幾名旁述即時竟不以為然，實在係完全冇辦法理解。

既然馬體會冇心衞冕歐霸盃，今晚西甲作客華拉度列又撐唔撐得過呢？睇怕又未必，事關佢哋已經連續8場作客未贏過，近期更先後不敵畢爾包同華歷簡奴，氣勢已經遠不及季初，就算射手迪亞高哥斯達復出都信唔過。

至於華拉度列方面，雖然聯賽已經連續3場不勝，但勝在主場威力唔曳，喺自己地頭出擊嘅近11場比賽，就只係輸過畀皇馬同巴塞兩隊惡爺，今仗面對近況回落嘅馬體會，1.88倍「讓球主勝」值得捧場。

（now632台周一凌晨2:00直播）
足球重心：華拉度列、賓菲加（讓球主勝）

馬膽推介：7場(7)恩格斯

今季無輪喺唔同場地同路程，都交出驚人後勁，堪稱係本地馬壇唯一仲有上升空間嘅短途新星，今仗僅得9駒列陣，應有足夠空位施展強橫後勁。