伊巴謙率AC摧殘紫百合

猪拉多纳

19/11/2011
文： 查理阿蛋

小妹雖然好鍾意花，不過今晚意甲費倫天拿主場迎戰AC米蘭，小妹就真係捧唔落呢朵殘晒嘅「紫百合」，不如取1.95倍客W，支持鬼才伊巴謙莫域領「紅黑軍團」辣手摧花啦！




（中央5台周日凌晨3:45直播）


費倫新帥難開齋


伊巴謙出自傳數臭舊隊友咁冇品，小妹絕對唔欣賞，但係佢嘅場上表現就令人不得不服：近6場球會戰只得1場冇波入，係AC保持7場不敗嘅功臣，小妹睇好佢今仗再破費倫大門！除咗伊巴謙態勇，柏圖、尼斯達及加度素都已經復操，其中柏圖更喺10打10訓練踢足全場兼入波，相當有火，況且AC過去4次作客費倫天拿全勝，無論牌面、往績同埋鬥心都絕對比「紫百合」更強，想輸都幾難。




今仗係「紫百合」新帥迪里奧羅斯第一次領軍，遇着AC已經係大問題，更黑仔嘅係包辦隊波一半入球嘅祖維迪喺國際賽受傷，今仗未必可以上陣，睇嚟迪里奧羅斯嘅處子戰都幾難有好結果喇！