巴塞主場繼續入球騷

猪拉多纳

19/11/2011
文： 山度士

周日凌晨西甲巴塞隆拿主場鬥薩拉戈薩，巴塞主場出擊應可穩袋三分，問題只係可以贏幾多粒？在度士心目中，巴塞贏兩粒係基本消費，如果單計聯賽，佢哋今季六場主場有五場淨勝對手兩球或以上，而且仲未失過波，度士認為巴塞贏夠三粒嘅機會點都高過客軍破蛋，一於博主隊繼續上演入球騷，敲1.52倍「讓球主勝」。




（now 632及660周日凌晨3時直播）




由於皇馬今季演出有進步，巴塞爭標肯定要比上季花更多氣力。睇番巴塞今季作客表現，明顯冇以往咁Sharp醒，至今聯賽五場作客已有三次和波，另外兩次贏波都只係小勝對手一球，間接令到佢哋喺主場更唔可以失啲大意分。


領先之後唔會收韁


睇番今場盤口，讓球主客和巴塞讓二球，即係話要巴塞淨勝三球先贏盤。有睇開巴塞比賽嘅朋友都應該知道，巴塞主場領先之後好少會收韁，好似今季六場主場聯賽，除咗○比○打和西維爾，其餘五次贏波都能大炒對手，最懸殊係以八比○擊敗奧沙辛拿，對維拉利爾、馬體會同馬略卡都贏五比○，最少一次都贏桑坦德三球。只要巴塞早開紀錄，對手唔易抵擋佢哋排山倒海嘅攻勢，度士建議捧「讓球主勝」。


山度士


前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。