史雲頓 哈特斯握手言和

猪拉多纳

12/11/2011
文： 查理阿當

「英西大戰」前，不妨睇埋足總盃史雲頓主場迎戰哈特斯菲爾德，事關兩軍教頭都係英超名將，曾効力紐卡素嘅李爾奇勒帶領哈特斯菲爾德創42場不敗佳績，韋斯咸名宿迪肯尼奧帶領嘅史雲頓近況亦Sharp醒，實力差唔多，一於冷敲3.45倍和波。（now670台周六晚11:00直播）




39歲嘅李爾奇勒被認為係英格蘭最有潛質嘅教頭，英甲嘅哈特斯菲爾德喺佢帶領下，已經平咗諾定咸森林喺70年代創下嘅42場聯賽不敗紀錄，可惜主力射手魯迪斯為蘇格蘭服役，今仗只能靠另一前鋒洛華克搵食，火力削弱。




迪肯尼奧當年喺韋斯咸射入唔少世界波，之前更公開表示希望回巢執教「錘仔幫」，為咗證明自己有咁嘅能力，佢最近亦帶領英乙嘅史雲頓造出近6戰不敗、只失1球嘅佳績，之前更試過作客擊敗布里斯托城及埃克塞特等英冠同英甲球會，小妹有信心佢哋頂得住哈特斯菲爾德唔輸，開個和局。