馬主論戰

魑魅魍魉

馬主光輝諗得過

　　韋達同埋白德民停賽，剛戰潘頓即刻起孖，今晚佢手馬都幾惡，話唔定又有馬贏。推介第三場「馬主光輝」，前仗響1800米贏得好輕鬆，三班一定夠爭，吼準法國五月盃先上陣，擺明有心攞威。另外鍾意第六場「追月」，今季跑過三次季軍，證明戰鬥力未退化，轉去方廐後工夫由頭做起，仲要落埋四班出賽，隨時好似「聚有盈」咁轉倉即勝。

張敬山

吳定強盼及時雨

　　剛啱梁定華贏咗「風馳電掣」後已上岸，唔計冇申請續牌嘅黃汝安，依家只得吳定強同蘇保羅未夠數。其中吳定強差一W就可畢業，今晚出三駒都有實力，一定鍊盡。推介第六場「及時雨」，前仗響谷草一哩開齋，贏得幾輕鬆，上場動作失平衡先令表現走樣，今次再跑贏馬路程實砌。另外鍾意尾場「精靈勇駿」，已經打叠贏咗兩場，跑番三班賽未必輸蝕，要吼實。

任達華

捧李廐馬齊勝

　　上周二李易達憑「興緻高」同「不老英雄」兩匹冷馬起孖，剛戰雖然冇馬贏，但都有「明旺」呢類大冷馬殺入位置，今戰繼續吼實呢個倉應該冇錯。鍾意第二場「齊勝」，上場輸畀「精靈勇駿」跑第二，後駒再出再贏，賽績夠硬淨，捲土重來可以補中。另外推介第七場「揀得正」，呢隻馬贏親都有好分頭，今場對手唔算強，話唔定可執多一場。

寇鴻萍、梁廷鏘