局內人：星光妙韻趁弗搏盡

魑魅魍魉

　　何廐今日有大手實力馬，廐人透露，頭場「星光妙韻」質新潛藏未露，降落五班有便宜，馬有速度，跑谷中短途合腳法，弱馬試大閘有好走勢， 難得健康養回，會把握機會贏馬。

　　「冰火」初來港時已被視為高質之馬，但較為遲熟，搞到大摩亦冇晒符，上季中轉入吳廐，分別在泥地及草地搏殺均無表現，直到今季一出跑谷中一哩得第二，拼後火氣仍盛，今戰必拼盡求勝。

　　葉廐最值得睇好的是「實業英雄」及「勝任有餘」，葉楚航本來有意邀韋達騎「神力金剛」及「實業英雄」，但韋達只肯騎「實業英雄」，可知已到交代時候。至於「勝任有餘」，狀態更勝上季贏馬時，谷中一哩強項，力足取勝。

　　蔡約翰馬房則有兩駒傳殺聲，分別是「神風先驅」及「迎風起舞」，前駒經過季內兩仗熱身，狀態冒升，今次跑1800米可一展所長。「迎風起舞」在二班是超級之材，取勝機會甚大。　

梁杰