局內人：威威財星磅輕惡

魑魅魍魉

　　方廐在開鑼日起孖，明晚此廐亦派出多匹實力馬參戰，看來攻勢陸續有來。

　　馬房中人透露，要留意第三場的「開心動力」，此駒屬谷戰好手，早前柏寶親自替牠試閘，反應甚佳，狀態已經操好。今次出爭曾四勝的谷草1200米，同場對手不多，應坐二望一。

　　另外，出爭尾場三班1000米的「威威財星」（圖）亦是長期見勇之馬，上周末操後，助手向廐主報告此駒有輕微喘氣聲，方嘉柏即安排牠作檢查，結果要等待獸醫報告，如冇問題應有很大機會取勝。事關「威威財星」近況甚弗，今次用何澤堯減磅，僅負109磅輕飄飄，力足言勝。至於華廐方面，第七場「回鄉精神」最近備受杜利萊重視，連課摸實，上季牠曾在谷草一哩入Q，今番再跑此程，加配眼罩上陣對牠必有幫助，出頭在望。

梁杰