|
|
日前閱報睇一則有關於投資的研究報告，內容大致上指出，經過測試後得出數據，某國的交易員如肚餓之時，投資的決定會傾向選擇較高風險，或潛在回報較高的組合。
反之，填飽肚的一批，投資的大方向較為低風險。內文仲講到呢項調查，極具參考性，仲話稱得上風險管理策略云云。
以上調查是否覆蓋全面？參與測試人數多寡？維時多久？是否以偏概全？係唔係各國的交易員、投資者，個肚一打鼓就會在投資行為上略為魯莽？！
呢點筆者不得而知，亦無從稽查，惟投資與賽馬博彩，在形式上唔算差別好大，如果以上研究報告係真嘅話，咦！入場買馬，都要買埋嘢食噃。
古語有云：「朝廷不用餓兵、三軍未動糧草先行。」雖然打仗同投資真係大纜都扯唔埋，前者要上陣殺敵，會攪出人命，與及生靈塗炭。後者如在投資上失利，或許也可能導致走上不歸路，但通常係金錢上的損失。
若要勉強地指出兩者相同之處，在於大家最終目的都係想贏，打仗要搏命，唔係你死便我活；投資則要掙錢，保住本錢之餘，也要兼顧利益。
馬場美食一籮籮
講到尾，入到馬場，各式各樣的美食都有，有時仲會因為主題日賽期，款式更加多（如上季農曆年賽日的北方賀年美食），要在場內填飽肚好易，假如該研究報告真有其事，話唔定在投注上變得更精明，贏得更多錢離場哩。
馬會賽馬節目主持 洪禮賢 |
|
金睛卡
发表于 2010-8-6 12:35
变色卡
显身卡