|
|
不少外籍騎師經整季辛勞後，多會在暑期返家探親共聚天倫，但我們的十屆冠軍韋達， 馬季煞科後只稍作休息，近日已在日本披甲上陣，暫時出賽四日每次都有馬贏，頭馬數字亦已累積至六場，當中更憑Meiner Starry勝出2000米草地函館紀念三級賽，可見狀態甚佳。
天時暑熱，換轉是筆者便一定躲在家中歎冷氣，又或者出外享受陽光與海攤，但身家一定不少的韋達，卻選擇縮短假期，並繼04年後第三次前赴日本客串，難道他天生愛騎馬？上季他以一百W奪冠，除運氣、鬥志及騎功兼備外，有蔡約翰這個大靠山亦是關鍵所在，預計今季此對組合關係不變，相信不難連續十一季封王！
能夠奪取冠軍，韋達各項路程的成績自然相對較出色，故此筆者列出他上季勝出次數較少的路程，好讓大家作參考， 其中不論於谷草、田草及泥地賽，韋達均有列陣，雖然未曾於谷草2200及田草2400米取勝，但基數較少不能作準，反而田泥1650米上陣十六次只得冠亞季各一，就算泥地賽編排次數較少，但勝出率及上名率明顯偏低，若不是「披星戴月」以頸位險勝，隨時連齋亦冇得開哩！
歐陽志恆 |
|
金睛卡
发表于 2010-8-4 16:38
变色卡
显身卡