阿苗報答雄心馬主

魑魅魍魉

苗禮德嚟咗香港做練馬師都有一段時間，自不然有班忠實馬主支持啦。好似「雄心」系嘅林培雄，早排將自己一隻馬「雄心威龍」拉咗去苗廐，雖然依家都未出得，之不過阿苗為咗報答馬主支持，一樣諗盡辦法。卒之喺尋日日戰，阿苗幫馬主林嘅「雄心馬主」建功，攞到呢隻馬喺香港嘅第五Ｗ，咁啱連阿苗昔日愛徒楊啓棠都有份入場拉頭馬，真係別具意義。
       
苗禮德（左）贏雄心馬主，報答林培雄（左三）忠實支持。
梁家偉起孖威水

賽後苗禮德就話「雄心馬主」加盟後夾埋攞咗五Ｗ，帶畀佢好多歡樂，佢話今次有減十磅優勢，加埋早段步速夠快，卒之攞到今季首Ｗ，佢話好滿意呢個成績，另外，「雄心馬主」嘅鞍上人梁家偉之前已經贏咗隻「魅力影子」，呢個小伙子成功起孖，一樣咁威水。