|
|
冠軍騎師之爭的確係近期熱話，就連馬會網站都整咗頁關於佢哋，90：86的龍爭虎鬥（不過網頁內柏寶張相好似後生得滯？！）。而唔睇真係唔多覺，原來冠軍見習騎師亦有排鬥，目前蔡明紹以28W帶頭，但佢已成為大師傅，所以再贏都唔計算在內，而楊明綸有27W、蘇狄雄及梁家俊俱為25W，由於後者要停賽5期，出番嚟都差唔多煞科，應該冇乜機會嘞，所以，今屆冠軍見習生應是蔡楊蘇三人之爭。吖，如果連冠軍見習生都有開盤（當然應先開設冠軍騎師啦！），或會增加刺激性。
正如本報之前嘅賽後版大題：柏寶和韋達玩晒，相信呢排會繼續出現呢個情景，無他嘅，一來，二人次次都出咁多馬，機會自然增多；二來，有得一次呢類互片鏡頭，你慌之後唔通會齊齊放軟手腳咩！來到今期，睇牌面，還是阿寶行情高多少，尤其係呢次方嘉柏撐行晒，出馬10件，居然有8隻畀佢跑，雖然呢對騎練一路有交收，突然多幾隻合作馬唔算咩新聞，之但係，睇番佢哋季內合作紀錄，原來冇試過單一期嘅合作多過5駒，就算呢次好些騎師停賽，方仔冇咩人可用，但亦未至於多成咁啩？！
講到佢哋嗰8匹馬，「開心動力」、「電訊高星」及「發達心聲」固然有根據，唔使點擔心，而「清風駒」一再輸近，終於等到肯加程，目標應該係今仗，尤其來到第四回合用到愛將，更加似樣。總括而言，呢次唔「方」會冇大攻勢嘞！
亨利 |
|
金睛卡
发表于 2010-6-20 10:05
变色卡
显身卡