數據人生：清新空氣匆出搏

魑魅魍魉

　　馬季已踏入倒數階段，若然幕後仍安排馬匹於短期內匆匆再出，看來不是搏減分這麼簡單，而剛在周三上陣的「清新空氣」、「靚得開心」及「電訊高星」明日急急再跑，當中必有搏殺部署，其中筆者睇好「清新空氣」有機會再開勝門。

　　第二場四班1000米，在港兩戰均捧成大熱的「千兩寶寶」改配韋達執韁，縱使排十二檔亦肯定是焦點所在，但季內曾在其胯下贏田草1200米的「清新空氣」，今仗改由鄭雨滇操刀亦絕對不能睇小。

　　剛戰「清新空氣」跑田草1200米，負一三三磅兼排十三檔起步，加上同場「威德妙」殺聲震天，難怪配上柏寶仍乏人問津，但這匹冷門出閘後即跟在前列，入直路初更曾一度突圍，可惜早段在二叠耗力較多下，終點前力弱跑第四，負於頭馬「威德妙」個多馬位，表現已算及格有餘。今次出王牌改爭谷草1000 米，既然近期徐廐馬於此程成績甚佳，可見值得多加留意。

歐陽志恆