局內人：柏寶夾勝利福星

魑魅魍魉

　　明日谷戰，方廐有不少實力馬參戰，馬房消息謂最值得好是列陣第七場三班2200米的「勝利福星」（圖）。此駒是正宗長途馬，難得到季尾仍有大長途賽事，所以幕後必定把握機會盡拼，今次方嘉柏再邀請柏寶為牠執韁，以往人馬合作八次獲四W一P，今次騎者超磅亦肯騎，可知機會不弱，坐位望贏。

　　此外，尾場的「好兄弟」亦是必拼之馬，此駒是谷戰好手，跑一哩賽亦是其所長，今次降落二班上陣佔便宜，有力爭入三甲。

　　另外，薛廐明日亦有搏殺消息傳出，其中以出爭第五場四班1650米的「再來旺財」較值得睇好。上仗跑田草1600米，臨場落飛至四倍左右，可知有人對其信心十足，可惜未能交出應有水準。

　　薛達志了解過情況之後，先安排「再來旺財」休息，其後便將牠送到獸醫處照鼻及驗血，發現並冇不妥之處。復課之後，此駒亦以踱步養火為主，以免操得太多令牠厭戰，今次回跑谷中一哩，同場對手實力不强，有力贏回一仗。

梁杰