賠率有路捉：再領風騷有料到

魑魅魍魉

第九場精英盃形勢好混亂，但睇飛「再領風騷」比預期熱得多，配梁家俊都係得87蚊W，位置更加係24蚊大熱。以一匹八歲馬嚟講，仲要面對住冠軍一哩賽同主席錦標雙料冠軍「步步穩」，同埋「雅雪」等質新馬，賠率都算苛刻，同時亦睇得出有人信心唔細。

    另外，頭場新馬賽「獵豹小子」轉徐雨石馬房初出，噚日三點鐘突然一注由十三倍打到五十八蚊，呢注都相當重手吓。其實隻馬喺上手告東尼度贏過，證明早熟，加上轉倉冇耐就出得，可見狀態有水準，配合埋早飛，應該信得過。

    騎師王方面，韋達停賽復出兩期都起孖兼做騎師王，睇得出佢鬥志旺盛要第十度登上冠軍騎師寶座。今日佢手馬「如願以償」、「威德妙」、「靚好聲」、「川河勁駒」同「戰河」惡到暈，十幾蚊冇得拗頸。  

周仲