高清睇跑馬：威德妙大把在手

魑魅魍魉

　　今季總場次644田草四班1200米﹕「威德妙」出閘反應甚佳，排九檔仍一早切入內叠拍實「精靈勇駿」領放，準備轉彎時，外邊的「勝利金剛」在湯智傑胯下積極搶前，韋達見此即讓「勝利金剛」先行，以便替「威德妙」取得遮擋，結果卻被牠偷襲得手，「威德妙」力追不及屈居第二。直路上此駒左片右片，跑姿仍未規矩，明顯尚有極大進步空間，而季軍「精靈勇駿」再出補中，足證賽事水準極高。今日續跑1200 米，排六檔形勢較上仗有利，縱使賠率乏味亦要捧場。

　　總場次650田草三班1200米﹕「戰河」起步極慢，幸好因天雨影響，大部分人馬未如平時般埋身肉搏，故此於十四檔切入內叠時，前面仍有極多空位﹔八百米時此駒已進佔第六位，入直路移出外叠望空後，馬匹即交出凌厲衝刺，韋達見此便只順勢推騎，結果仍拋離亞軍「輕輕鬆鬆」達兩個多馬位﹔賽後獲加十分足證受重視，相信這匹超班馬今次排十二檔亦冇有怕。

Sam