局內人：旅遊大亨見真章

魑魅魍魉

　　文廐明日有多匹實力馬參戰，馬房中人指出，最值得睇好是列陣第四場四班1200米的「駟馬難追」，上仗不敵超級馬「川河勁駒」無話可說，但能入Q已證明實力不凡，拼後此駒立即復課打磨，狀態再進一步，今次强手已去，負磅仍輕形勢有利，力足出頭。

　　至於出爭第六場四班1600米「靚好聲」，早前兩度由韋達執韁，上仗因騎者停賽才交由柏寶操刀，結果只能爭入亞席未能建功，今次再交韋達操刀，可收駕輕就熟之效，不妨作膽。

　　另外，告東尼馬房亦有搏殺消息傳出，出爭第五場四班1400米的「旅遊大亨」（圖），陣上演出較反覆，主要原因是其喉部經常有痰，故昨日特別安排牠到馬醫院照鼻，驗清驗楚才上陣，以免誤己誤人。此駒後勁強，既然健康冇問題，大有機會交出應有水準，有望重開勝門。

　　至於胡廐馬方面，可留意第七場「威騰駒」，昨晨工作人員替牠釘甲時，此駒猛打腳不肯就範，其勇可知，今番改配韋達上陣，應可勝回一仗。

梁杰