金石盟專欄：長春樹四蹄盡展

魑魅魍魉

　　昨晨間歇有驟雨，由於是最後試跑期，出跳馬細水長流，七時正草地千八米開放供馬匹試跑或彈閘，尚不乏睇頭。

　　「長春樹」（圖）卓利試四百米，四蹄盡展，步步是力，進度理想，狀態有進冇退。

　　「闊袍大袖」普萊西試千二米，蹄姿爽朗，過直路饒富火氣，神采奕奕，近況續進。

　　「高一線」助手在草地試八百米，四蹄揮灑自如，落腳有彈性，狀態攀升。

　　「甜將」白德民在草地試八百米，助手策退役馬在前佔先約兩乘帶放引導，最後一程「甜將」加速趕上，爭持下未分勝負，走來有聲有色，及時催起。

　　「暖在心頭」助手在草地彈閘，助手策「京城三寶」相伴，前駒躍出稍慢，逐漸將距離縮短，埋門幾步愈衝愈勁，拋離廐侶兩乘左右而回，懶性全消，上火上力，進步且勇。

　　「步步快」白德民在草地試八百米，步幅開揚有力，馬身紮實，觀感上並無不妥，仍具水準。

　　「自由好」助手試八百米，翻步爽朗，勁力增強，頹氣已消，予人印象不錯。

　　「傑出君子」勞愛德試八百米，拉到頭岳岳，走來有火有力，體格強健，勇況更盛。

　　「人人興旺」鄭雨滇試八百米，助手策「賞心樂事」在前佔先兩乘多帶放引導，轉彎入直路雙方距離漸漸縮短，最後二百米外檔的「人人興旺」以勁勢追上，一齊衝線，腳法利落，試來鋒芒畢露。

　　「軒轅勇將」王志偉試八百米，神清步爽，體力猶充沛，操養有一手，未見走樣。

　　「兄弟班」勞愛德試八百米，出腳有力，生氣勃勃，與上名時比較，不遑多讓。

　　「步步穩」白德民試千二米，漫不經意完成，體健神清，肌肉結實，一樣咁靚。

　　「確威星」柏寶試八百米，走勢矯健，腳勁增強，神態活躍，觀感比上賽好。