悅璐孖寶爆冷馬主面燶

魑魅魍魉

做馬主嘅，見到愛駒可以喺終點前擒低對手贏馬，心情都應該興奮㗎！
       
悅璐孖寶馬主郭浩（右）拉頭馬面露不悅。

不過喺尾場就出現咗一個好得意嘅場面，當「悅璐孖寶」贏完返去凱旋門準備影頭馬相嗰時，馬主郭浩塊面黑到好似玄壇咁，就算最終肯影頭馬相，影完之後郭生一樣嬲爆爆離開，全程都冇同賀賢講過一句說話。而呢隻11號馬閘前由50 幾倍落到得25倍着晒啡格，睇嚟馬主冇份中喎！
       

梁明偉尋日終於靠「悅璐孖寶」打破悶局，攞到2010年個人第一場頭馬，適逢日前畀牌委會話自己表現受到官方關注，偉仔呢勻都可以話吐氣揚眉喇！