內圈探索：天久力度貫注

魑魅魍魉

　　今日沙田上演七草三泥賽事，方馬陣容極強，預計必有頭馬見面，其中以「天久」及「金堡龍華」兩匹質新馬最具惡氣，應有力為倉主取得好成績，實有追捧價值。

　　出爭第八場一班泥地1200米的「天久」，在港只跑過四仗，取得兩W兩P佳績，上仗初跑泥地同程，在何澤堯胯下沿途快放，結果以三個馬位彈甩「聖迪達」輕勝，反映出其泥地性能極佳。復課後，此駒雖然以慢工夫踱步為主，但踱來力度貫注，狀態仍在大勇之境，今回隔一周匆匆再出，續跑泥地1200 米，三歲馬體力必可應付，易配楊明綸只負108超輕磅上陣， 再捷應冇難度。

　　至於列陣第九場三班1400米的「金堡龍華」，一月出戰谷草1650米大敗後，幕後決定替牠轉換新環境，四月尾把此駒轉交方嘉柏訓練。

　　上月尾「金堡龍華」在韋達胯下試泥閘，輕輕鬆鬆走入一席第四名，似乎已回復角逐興趣，埋門拍跳鬥心湧現，近日踱步走勢亦爽朗，狀態相當對辦。三歲馬現時評分肯定仍有大幅上升空間，今回出戰田草1400米，過往一戰此程即入Q，路程必合發揮，交由柏寶操刀，有力替主贏馬省靚招牌。

家明