|
|
亨利記得上期至寫完韋達，咁人哋當晚又真係衝破1200W大關嘛，一復出整兩場先，手氣唔錯，起碼唔似得近期嘅柏寶，3期只贏兩W，唔通嚟到最後倒數嘅9個回合，二人出現轉角勢，如果係咁，韋達爭取十連冠嘅大業未至於絕望。當然，呢點言之尚早，因為二人尚有6W差距，韋達能否反先其實有好多變數，除了每期坐騎的質量以外，使唔使停賽先係關鍵，如果一句唔該，韋達又整多三兩日刑期，追乜鬼吖？！
另外，其實今屆世界盃嘅彩池當中，馬會都新增了決賽隊伍連贏位，可供球迷下注，如果冠軍之爭，在季頭或季尾真係成為馬迷的熱話，不妨新設一些彩池啊！至少都有幾瓣，如冠軍騎師和練馬師，再演變到騎練頭二名的Q位，再再變出走地冠軍等等，唔使啲馬迷只係齋嗡，始終唔係真金白銀下注，投入程度點都差多少。
好嘞，講番主角韋達，佢今日3匹泥地坐騎各有吸引之處，當然，亨利唔係老懵懂，亦知韋達季內田泥成績差到嘔，跑了接近1季，手上只得1場泥地頭馬，一下子要佢贏晒今日嗰3場，仲難過世界盃畀北韓捧走，但平心而論，「馬皇帝」、「金獅猛將」及「盈彩繽紛」，邊1隻唔係好開，後兩駒更加係新勝，所以，博條W 3 X 4 ，未必冇運行。
亨利 |
|
金睛卡
发表于 2010-6-12 09:43
变色卡
显身卡