世界漫遊：頭盤配主帥添食

魑魅魍魉

　　兩歲馬女Floreal早前在日本，以八個馬位之遙勝出1200米，乃當地首匹出自 Arrowfield牧場的南半球馬勝仗。此駒出自Snitzel，同父馬今季於澳洲嶄露鋒芒，而且不少子嗣極早熟，當中包括二級賽銀拖鞋冠軍 Chance Bye，且看Floreal日後表現能否媲美Chance Bye。

　　第二場泥地五班1200米，「快都」三戰五班得一冠兩季，證明居五班有利，季內曾在四班與「驍騎無敵」串Q，反映七歲馬戰鬥力未退化，減夠分落班即跑耍家的泥地賽，縱排外檔亦具勝望。

　　「辣得喜」前仗在谷草1200米曾展現走勢，今次落班用何澤堯減磅毋須負重好着數。「金大人」季內曾在同程與「自家威」串Q，該役季軍是剛戰完成季內三捷的「太陽昇」，賽事水準高難輕視。

搏得過施回馬槍

　　「搏得過」前仗在泥地同程追近，上仗草地大敗洗底後可施回馬槍。「實在好」前仗在四班同程跑獲殿軍，抽得一檔好跑可爭。

　　第五場三班2000米，「頭盤」上仗終在谷草2200米出頭，這類自購馬適應水土後常可持續反彈，而牠早在一月尾已在田草2000米跑第五，當時僅以個多馬位輸給「金剛小子」，反映路合發揮，回配主帥白德民有權添食。「印度光輝」近七仗全入前五名，加上馬主出名鬥志如虹，縱配韋達未贏過都要兼顧。

　　「大紫荊」上仗後備補出爆冷位，跑法主動之馬在今場欠步速場合，隨時又可佔甜頭。「廣友名駒」上仗輕勝，六歲馬回勇必打鐵趁熱。「首騎警」評分有利可拖。

耀鈞