金石盟專欄：南陽望族上力

魑魅魍魉

　　昨晨最後試跑，出跳馬尚不少，勞愛德、柏寶、鄭雨滇等俱上馬落馬，積極練兵，楊明綸過檔伍廐「威力高」，湯智傑接手主試呂廐「福到多多」，均屬新配搭。

　　「南陽望族」（圖）韋達試八百米，翻步暢順，收身上力，頹氣已消，進步良多。

　　「香檳歲月」鄭雨滇試四百米，拉到口擘擘，有點火氣，落腳輕快，進步神速。

　　「辣得喜」何澤堯試八百米，沿途搶住走，神生火旺，活力充沛，狀態攀升。

　　「極品絲綢」何澤堯試四百米，灑開大步衝過終點，體健神清，勁力雄渾，勇態持續有餘。

　　「較量」副練試八百米，奮力增速，步幅開揚有力，健康冇問題，近況續好。

　　「零距離」勞愛德試八百米，跑姿靈活，上勁起力，神態轉好，漸入佳境。

　　「普渡馗」柏寶試千二米，腳法頗熟，走來似模似樣，進度理想，八九分勇。

　　「威武雄星」助手、「一言為定」助手相偕試四百米，前駒佔先一乘採取主動，後駒亦步亦趨，終點前外檔的「一言為定」逐步趕上，一齊衝線，型格俊俏，走勢暢順，狀態初起﹔「威武雄星」受到挑戰奮力抗衡到底，鬥心復現，有點轉機。

　　「愛拚者勝」何澤堯試八百米，四蹄盡展，過直路饒富氣勢，體力已復，未見走樣。

　　「海力童」都爾試八百米，步伐整齊有力，馬身紮實，生氣勃勃，仍具作戰水準。

　　「淡淡定」卓利試千二米，漫不經意完成，腳法引人，走來不浮不躁，成熟程度邁進。

　　「傑出君子」勞愛德試八百米，昂首闊步，精神奕奕，肌肉結實，予人印象不錯。

　　「天外之天」潘頓試八百米，走勢爽朗，過終點餘勢稍增，成熟勝前，好過上賽。

南陽望族