朝早有動靜：靚好聲 柏寶出硬功

魑魅魍魉

　　昨朝為明日沙田賽事排位之期，多路人馬積極備戰，其中以當旺之文家良馬房最緊張，旗下參戰馬「靚好聲」、「確威星」及「旅英駿駒」，分由柏寶、黎海榮及梁家俊出操，期間練者多次穿梭烽火台及沙圈之間，收操後，且與三位騎師輪流密斟，動態絕不尋常。

　　柏寶、文家良此對騎練剛戰憑「勝利雄威」增添頭馬，保持合作愉快，今次騎練似有意再接再厲，昨朝柏寶策騎「靚好聲」拍「心頭好」跳兩段，「靚好聲」有良好反應，狀態續進，此匹質新馬連拼未出頭，近日課課拍磨，大力催谷，帶懶性之馬，看來在柏寶硬功之下可交出應有水準。

旅英駿駒成熟進步

　　列陣第九場三班1200米的「旅英駿駒」，此匹本年度拍賣會新馬，今季在新馬賽兩出兩捷毫無敵手，被評72分編入三班，備受重視，事實上，以其質素，在此班作賽絕不吃虧，今次插班初出與舊馬同場角逐，依然是焦點所在，此駒自上仗取得連捷後，復課操磨工夫持續積極，快跳一直由副練負責主轡，直至昨晨才由梁家俊在大跑道單跳兩段，走規比前時更為成熟，步伐暢順有勁，勇熟程度再進一步，文家良在烽火台睇馬後，第一時間往機坪近距離再睇，過程十分肉緊，單睇動態，看來無懼一眾舊馬，要吼實。　

韋柏