洪禮賢講馬：撻着紅跑車

纯情小彩迷

　　第六場三班1000米。「同心威駿」一連兩場在同程贏馬，前仗以極快締速56.65秒開齋，乃季內該程第三快。而上場時間上係稍退步，但早段被內側對手頂過一輪才可切入，中段又有他駒拍上嚟燒過吓，能再贏已算本事；加兩磅再跑，仍在Ｃ欄5檔，處境同剛仗差唔多，除非兩Ｗ後攰咗，若不，有權再Ｗ。

　　第七場三班1800米。「紅跑車」（圖）今季一再經歷過令人睇到Ｏ晒咀的賽事，王志偉跑到幾乎出事，而前仗柏寶在直路騎到唔似柏寶。好在到了上場落在韋達手上，終於跑番一場似樣的賽事；今次轉場一樣啱，話晒上季曾與「怡勝」埋Ｑ，如能喼到水準，大有機會贏番場。